19 ottobre 1944

19 ottuviru 1944, Via Macqueda

di

Alphonse Doria

 

Omini, fimmini e addevi,

na vuci sula ajvanu:

 pani, travagliu e dignità.

Arrispunnì l’esercitu talianu

cu chiummu e ‘nfamità.

Sangu e morti a Palermu,

pi stu Populu senza libbirtà

‘ncruci ‘nchiuvatu, fermu!

E tu surdatu ca sparassi

a stu Populu ‘nuccenti

si peggiu di na essiessi,

Statu Talianu dilinguenti!

Ah! stu triculuri ca svintulia

quantu morti n’ha purtatu

ni sta Terra Santa di Sicilia!

A tia, Sicilianu vinnutu,

ti vogliu arricurdari

li nomira, unu pi unu,

l’Italia vozi ammazzari;

E ju ‘un trovu pirdunu!

 

 

• Peppi Balistreri,  a 16 anni;
• Vicenzu Pucciu, 22 anni;
• Vicenzu Cacciaturi, 38 anni;
• Micu Cordone, 16 anni;
• Saru Corsaru, 30 anni;
• Micheli Damianu, 12 anni;
• Natali D’Atria, 28 anni;
• Nirja Di Gregorio, 26 anni;
• Peppi Ferrante, 12 anni;
• Vicenzu Galatà, 19 anni;
• Carmelu Gandolfo, 25 anni;
• Franciscu Giannotta, 22 anni;
• Sarbaturi Grisafi, 9 anni;
• Eugeniu Lanzarone, 20 anni;
• Jachinu La Spia, 17 anni;
• Peppi Malignu, 22 anni;
• Erasmu Midolo, 19 anni;
• Nirja Oliveri, 16 anni;
• Sarbaturi Orlando, 17 anni;
• Cristina Parrinello, 61 anni;
• Anna Pecoraro, 37 anni;
• Jacu Venturelli, 70 anni;
• Aldu Volpes, 23 anni.- 

 I feriti ‘nterra si cuntaru chiù di centu e tanti scapparu pi ‘un si fari pigliari u nomu.
Spararu i surdati di u 139° fanteria “Sabauda” a so bannera era tricolori: virdi, janca e russa, chidda dopu u fascismu, I surdati ‘taliani spararu contru u Populu Sicilianu, CHISTA E’ L’UNICA VIRITA’!

 
STI FRATUZZI ESTI SURUZZI SICILIANI SUNNU ANCORA CU NAUTRI CA LI RICURDAMU CU VERU AMURI!